گرزه و پوچا

اَلانه گِرزه چِندی با کِلاسه

پوچا هَمرَ هَمیشیک در تَماسه

پوچا دِ وَکِته گِرزه خانه پا

نوتونه گِرزه دِ ،اُطه وُخاسه

روزگار قِدیم با ،گِرزه تَرسَ

هُمیشَک پَرِه با گِرزهَ کُناسه

گِرزه وَختی پوچا دادِ ایشناوِس

هر جا گیر بو ما بو ، خَسه دُخاسه

گِرزه دِلیر وَکِت ، پوچا دِ تَرسو

وَکِت پوچا ، دِ گِرزه باغِ راسه

پوچا حَق نِدَره گِرزَه بِگیره

حتی گِرزه بودوزه ، وی اَساسه

پوچا تا چپ نِیه هاکُرده گِرزه

گِرزه وُلوو دَنه وی جِل پِلاسه

پوچا دِ نوتونه تی ماله بِپَّه

گرزه پِنیر خاره ،پوچا تی ماسه

تَره دَنِرجَنه گرزه پوچا ره

حمّامِ سَر زَنه ، وی لُنگِ تاسه

خوشدل دِ نوتونی تشخیص هَدِنی

 پوچا با گِرزه دِ بابان یه کاسه

متضاد شعر عبید زاکانی

سهراب ثابت قدم (خوشدل)